من أجلك يا وطن
شعر : أبو العنين شرف الدين
يا مصر عادت بسمتك
فوق جبهتك بسمة أمل
بعد سنين صبر وعمل
طلعوا الولاد وقفة ميلاد
الحق له إصرار وعناد
لما الظلم زاد
وكم شهيد من العباد
ضحوا بدماهم
لجل الوطن بإيدين شداد
واتهد ليل الظلم ويا المحن
وشفنا فجرك يا بلد
بينسج توب العزة فوق الجسد
بيزيح عتمة الفساد
ويسجن الجلاد
والناهبين أموال الوطن
يا مصر شعبك الهمام
كان صمام أمنك وقت المحن
حارس أمين ربك معين
واتهد حصن الظلم ورحل
ولصوص السياسة والوكاسة والتياسة
فى قفص الاتهام
والدور على الفحل الهمام
فرعون ارحل فى تابوتك عليك النقم
والحق نوره بان .. أمن وأمان
وميزان العدل هو شريعه وحكم
الله يرعاك يا شهيد
فى جنة ربى أكيد .. فرحان سعيد
سطرت بدمك للوطن عيد مجيد
