مختارات من ديوان أفكار مبعثرة للشاعر أبو العنين شرف الدين
"قول يا ساعر كلمتك" من ديوان أفكار مبعثرة
قول يا شاعر كلمتك
وبلاش سكوت
أنا نفسى أسمع حكمتك
فى الصعب فوت
الكلمة لو راح تنحبس
جواك تموت !!
..............................................................
"ميت غمر بلدى" من ديوان أفكار مبعثرة
قالوا منين البلاد
أنا قلت غمراوى
الحب فيها زاد
يروينا وغناوى
وكفايه منها إمام
الأمة : شعراوى
........................................................
"غنوة بلال"
غنوة بلال .. أحد أحد
فرد صمد
منه المدد
ملك الملوك ملهوش ولد
ولا له شبيه
ولا ف كفايته كان أحد
حتى الحجر .. ردد معاه
أحد أحد !!
.........................................................
"يا ام طرحة وشال"
يحلالى ساعة الغنا
ساعة رواقة البال
أهتف بإسمك واردد
فيكى بكل جلال
يامصر يا ام الطرحة
خضره وفوقها الشال
حسنك أملنا
ودبنا فيه عيال ورجال
تتوضى بالنيل وراضيه
فى الحلال بحلال
أبيّه ميهمكيش الدهر لو يوم مال
عفيه زى الجمل
طول ما انا الجمال
